Maqmatik süxurlar |
Elm |
Geologiya |
Maqmatik süxurlar - maqmanın soyuması və kristallaşması nəticəsində yaranan süxur Maqma mənşəli süxurlar yaranma şəraitinə görə iki böyük qrupa bölünür: 1) yer səthinə püskürülmüş vulkanogen-effuziv süxur; 2) yerin dərin qatlarında kristallaşan intruziv süxur sonuncular əsl dərinlik və ya abissal, hipabissal (mötədii dərinlikdə bərkiyən) və səthəyaxın (subvulkanik) intruziv süxurlara ayrılırlar. Tərkibinə (əsasən silisium oksidinin miqdarına) görə dörd qrupa bölünürlər: turş, orta, əsasi və ultraəsasi süxurlar. Hər qrupun daxilində müxtəlif petroqrafik tipli süxurlar ayrılır.